Pele, munting Jolina

HINDI batang mataba si Pele Inigo Magdangal Escueta. One year old pa lang, pero grabe na ang katalinuhan. Si Pele ay ang anak nina Jolina Magdangal at musician Mark Escueta. Super cute, balat or kutis gatas, dahil ang puti niya, napakakinis at higit sa lahat ma-PR, tatak Jolina.

Si Jolina ay kilala na natin since her childhood, hindi lang napakagandang bata, higit sa lahat mahusay kumanta, ma-PR, madaldal, hindi mahiyain at munting Jolina ang ang makikita kay Pele.

Aminado si Mark na mahiyain siya, a man of few words kahit napakagandang kumanta dahil soloist siya ng isang sikat na banda.  Good-looking si Mark, at match na match sila ni Jolens, na isa ring magaling na singer.

Pinagkaguluhan sa presscon ng Megasoft Hygienic Products ang mag-anak dahil ang Escueta family ang endorser ng isa sa mga product nila, ang Super Twins Premium Diaper na ang pinaka-star ay si Pele dahil ang gamit niya ay super lambot na diaper. All out ang pasasalamat ng mag-asawang Emilio at Aileen Go, ang mga may-ari ng Megasoft Hygienic Products.

Magkaibigan pala sina Jolens at Aileen pero hindi komo’t magkaibigan sila, hindi agad sumagot ng oo at tinanggap ang offer ni Ms. Aileen na si Pele ang gusto nila na mag-endorse ng diaper. Humingi muna ng ilang days sina Mark at Jolina, sample ng diaper at ginamit ni Pele.

Inobserbahan kung mamumula at mangangati si Pele sa gamit na diaper.  Awa ng Diyos walang reaction ang bata sa gamit na Megasoft diaper.  Dahil dito pumirma na ang mag-asawang Mark at Jolina for 18 months contract as endorser ng Megasoft Super Twins Premium diaper. First time pala ng Megasoft na magkaroon ng ganito kalaking endorsement ng gamit ng sanggol. Ang una pa lamang na produkto nila ay gamit ng pambabae sa kanilang monthly period at ang endorser ay si Maja Salvador.

Take note hindi kinagat nina Mark at Jolina ang offer na “name your price”. Kung ano lang ang dapat ang ipinairal ng Escueta couple.

NO PROBLEM DAW – Letty Celi