HATAW! D'yaryo ng Bayan hatawtabloid.com
ni Ed de Leon
HINDI by chance ang pagkikita namin ni Carlos Agassi noong isang araw. Nagka-chat kami sa social networking site at nagkasundong magkita para makapagkuwentuhan naman. Kasi napansin namin hindi masyadong visible ngayon si Carlos, kahit na napapanood naman natin siya sa ibang mga serye at ngayon ay nagho-host din sa isang Sunday morning show. There was a time, leading man iyang si Carlos. Nagsawa na ba siya sa acting at ano ang ginagawa niya?
Inamin ni Carlos, minsan nami-miss din naman niya iyong mga tele-seryeng ginagawa niya noong araw, pero on the second thought, nakita niya na noong panahong panay ang gawa niya ng mga serye, ang dami niyang nami-miss sa buhay.
Ngayon napakaganda ng takbo ng kanyang restaurant business. Nakita namin ang dami ng taong kumakain doon, kasi masarap naman ang food nila at competitive ang presyo. Napaka-class ng lugar, pero ang presyo hindi taga. Nagulat nga kami, ang presyo nila mas mababa pang ‘di hamak doon sa aming hangout.
Ang personal appearances niya, na mas malaki ang bayad, at naipo-promote pa niya ang mga produktong kanyang ine-endorse, talagang halos walang pahinga kaya hindi mo siya mahagilap basta weekends. Ang dami rin niyang endorsements, karamihan ay mga health product na ang hinihingi lamang sa kanya ay iyong gamitin niya ang mga produktong iyon ay iendoso niya ng personal at sa social media. Kung iisipin mo, mas malaking ‘di hamak ang kinikita ni Carlos ngayon kaysa maraming artista.
