ni Vir Gonzales
SALUDO kami sa think-tank ng Eat Bulaga dahil hindi nauubusan ng gimik para sa mga tagahanga. Imagine, for 30 years, still riding high. Sina Jose Manalo, Wally Bayola, at Paolo Ballesteros ang dapat tawaging all rround host. Sila ang bukod tanging TV host na abot kamay ng fans, nayayakap, at nahahalikan.
Nakagugulat din ang mga joke nila, na wala sa script.
Kuwento nga ni Paolo, narating niya na ang iba’t ibang lugar, mga uri ng bahay at mga antas ng buhay. Minsan naiiyak pa sina Jose at Paolo kapag nakaririnig ng kuwentong kahirapan. May mga taong gustong magbalik-probinsya pero walang pamasahe.
Maging si Tito Sen, nagpusong mamon. Isang babaeng mahirap na nananahi lamang ng mga damit sa pagpapadyak. hindi de motor ang gamit dahil walang pera. Sa awa ni Tito Sen pinadalhan ang nanalong contestant ng makina na de motor.
Hindi rin alintana ng tatlong host ang tindi ng araw, layo ng lugar, basta makapagbigay tulong sa mga mahihirap. Dapat sina Jose, Wally, at Paolo ang bigyan ng award at papurihan, dahil sa kanilang greatest performance.
