HATAW! D'yaryo ng Bayan hatawtabloid.com
ni Roldan Castro
MARAMING bagong pasabog sa nalalapit na concert ni Gerald Santos sa PICC sa June 13, 8:00 p.m. entitled Metamorphosis.
Unang-una na ang symphony orchestra ang tutugtog sa kanya at magpapayanig din ng dancing skills niya. Kinarir niya talaga ang pagsasayaw. Bukod dito, mga bata ang mga musician niya pati ang kanyang musical director.
Bakit Metamorphosis?
“Figurative po ‘yun. Ang gusto po naming ipakita rito sa concert na ito ‘yung basically transformation ko po. From a boy to a man na po right now. Hindi lang po physically but lahat na po.”
Sinabi rin niya na magpapakita siya ng skin at naniniwala siya na makatutulong ang pagpapakita niya ng katawan sa concert.
“Sobrang makikita nila rito yung sexy and mature na Gerald, musically and iyon, physically,”deklara pa niya.
Pangalawang pagkakataon na tinapatan ni Gerald ang concert ni Daniel Padilla.
“Oo nga, e! Pero hindi naman po kami nagwo-worry kasi nandiyan naman ‘yung Team Gerald, ‘yung followers ko talaga, ‘yung sarili ko pong market. Iba naman po ‘yung market niya, so hindi po kami worried,” sambit pa niya.
Bukod dito, ang pagpapaseksi niya sa concert ay isa sa wala sa concert ni Daniel.
“And siyempre of course ‘yung real music, ‘yung genuine na music, ‘yung genuine na singing, iyon ‘yung maririnig nila,” sey pa niya.
Guests ni Gerald sina Azrah Gaffoor, Ali Forbes, Yuan Santiago, ang world-class girl group na MICA, ang Ateneo Chamber Choir, ang San Pedro Calungsod The Musical cast at isang very special guest na babae.
Ito ay sa direksiyon ng manager ni Gerald na si Cocoy Ramilo.
