Sharon, ‘di raw marunong mag-judge

ni Ambet Nabus

INAASAHAN ng mga basher ni mega friend Sharon Cuneta na very soon ay muli itong papatol sa mga kantiyaw at talak nila on her being so OA raw sa mga reaksiyon at puna nito sa mga contestant ng Your Face Sounds Familiar.

Grabeng inatake ng mga bashing si mega na para naman sa amin mare ay napaka-normal na niyang ginagawa.

Sobrang bungisngis at mababaw talaga ang kaligayahan ni Sharon kaya’t ultimo ang maliit na nuance o galaw ng isang nag-i-impersonate sa isang music icon ay napagtatawanan nito at na-e-enjoy. Kung OA man ‘yun sa iba, problema na nila ‘yun hahaha!

But in fairness naman kay mega, nasa tamang wisyo naman ito kapag nagbibigay ng kanyang judgment kaya’t walang katotohanan ‘yung hindi siya marunong mag-judge!