HATAW! D'yaryo ng Bayan hatawtabloid.com
NAKUHA ng Globalport ang karapatang maging koponang unang pipili sa 2014 PBA Rookie Draft na gagawin sa Agosto 24 sa Robinson’s Place Manila.
Ito’y pagkatapos na nabunot ni PBA Commissioner Chito Salud ang bolang may pangalang Globalport sa loteryang nangyari noong isang gabi bago ang Game 1 ng PBA Governors Cup finals.
Sinabi ng chief ng basketball operations ng Globalport na si Erick Arejola na si Stanley Pringle ay magiging top pick ng Batang Pier kung magpapalista sa draft ang dating manlalaro ng ASEAN Basketball League.
Ngayong PBA season ay nalaglag ang Globalport mula sa quarterfinals ng Commissioner’s Cup at Governors’ Cup sa pamamagitan ng parehong 1-8 na panalo-talo.
Samantala, nakuha ng Rain or Shine ang ikalawang pick sa draft mula sa Meralco dahil sa isang dating trade. (James Ty III)
