KINOMPIRMA ng tserman ng PBA board of governors na si Ramon Segismundo ng Meralco na tatlo pang mga koponan ang nagpahayag ng interes na pumasok sa liga bilang mga expansion teams sa mga susunod na taon.
Hindi sinabi ni Segismundo ang tatlong nabanggit na kompanya ngunit nagbigay siya ng kaunting mga palatandaan.
Naunang nagkompirma ng pagnanais ang Hapee Toothpaste na pumasok sa PBA at ito’y kinompirma ng may-ari nitong si Cecilio Pedro.
“Not immediately, but when the time comes, we will announce it (PBA application). But the interest is always there,” wika ni Pedro sa panayam ngwww.spin.ph.
May balita na nais ding pumasok sa PBA ang Banco de Oro ng pamilya Sy at ang Phoenix Petroleum.
May 12 na koponan ang PBA sa susunod na season.
Parehong expansion ang Blackwater at Kia habang ang NLEX naman ay bumili sa prangkisa ng Air21. (James Ty III)
