HATAW! D'yaryo ng Bayan hatawtabloid.com
ni John Fontanilla
MUKHANG masusundan na ng isa pa ang anak ng mag-asawang Kristine Hermosa at Oyo Boy Sotto dahil balitang buntis na nga ang aktres na may pinakamaganda at maamong mukha sa kanyang henerasyon.
Magiging dalawa na ang apo ng mahusay na host/comedian na si Vic Sotto sa mag-asawang Kristine at Oyo. Kaya naman daw medyo lie low muna sa pagtanggap ng mga commitment si Kristine para maalagaan ang pagbubuntis.
At sa pagseselebra nga ni Oyo ng kanyang 1st Father’s day, isang magandang balita naman para rito na malamang buntis na ang kanyang maybahay na si Kristine nat madaragdagan na isa pang bata ang kanilang masayang tahanan.
KRISTOFFER, NO WAY SA TORRID KISSING SCENE SA KAPWA LALAKI!
WILLING daw gumanap na bading mapa-telebisyon o pelikula ang award winning GMAteen actor na si Kristoffer Martin katulad ng naging pagganap niya sa isang episode ngMagpakailanman. Pero hindi pa raw nito kayang makipaghalikan sa kapwa niya lalaki.
Akward nga para kay Kristoffer ang makita ang sarili na nakikipaghalikan sa kanyang kapwa artistang lalaki lalo na kung kaibigan niya ang makakaeksena. Hindi naman daw sa ayaw niya itong gawin, pero sa ngayon ay hindi pa niya ma-imagine na gagawin niya ‘yun.
Siguro raw ay may tamang panahon para gawin ‘yun, ‘pag handa na siya at kaya na niya. Sa ngayon ay ang pag-arte at pagdadamit babae pa lang ang kaya niyang gawin. Okey lang din ang beso-beso o magkatabi sa kama ang eksena, wag lang daw ‘yung todo-todo na may torrid kissing scene o mas grabe pa roon.
