ni Roldan Castro
[divider]
NATUTUWA kami sa napipintong pagbabalik ng Talentadong Pinoy sa TV5 na si Ryan Agoncillo pa rin ang host.
Isa ito sa nagtagal sa Kapatid Network at tinangkilik ng televiewers kaya nakapagtataka na tsinugi noon ng TV5. Nag-iwan ng magandang tatak ang Talentadong Pinoy kaya karapat-dapat din na mapanood ulit ito sa ere.
Bagamat marami pa raw pinaplantsa sa naturang show bago ibalik,umaasa kami na matutuloy din ito.
Pero sa rami ng work ngayon ni Ryan, hindi pa rin naisasantabi ang kanyang sex life. May oras pa naman daw dahil hapon natatapos ang Eat Bulaga. Gusto nga ni Ryan makabuo sila ng twins ng kanyang misis na si Judy Ann Santos.
Talbog!
