HATAW! D'yaryo ng Bayan hatawtabloid.com
ni Reggee Bonoan
MAGANDA ang tandem nina Andrea Brillantes at Raikko Matteo dahil ang Wansapanataym episode nilang My Guardian Angel ay muli na namang nanguna sa ratings game na 26.2% ng Kantar Media noong Sabado, Abril 26.
Ang layo ng agwat ng My Guardian Angel sa Vampire ang Daddy Ko na nagtala lang ng 16.8% kaya naman tuwang-tuwa ang dalawang bagets na naging bida ng mga seryeng Anna Liza at Honesto dahil malaking pangalan ang tinalo nila na si Vic Sotto.
Samantala, mapapanood ngayong gabi sa Wansapanataym ang panibagong pagsubok na haharapin ng mga karakter nina Andrea at Raikko dahi l magsisimula nang magrebelde si Ylia (Andrea) sa kanyang ina.
Paano mapipigilan ni Kiko (Raikko) ang pagsuway ni Ylia sa mga utos ng kanyang nanay? Tuluyan na bang masisira ang relasyon ni Ylia sa kanyang mga magulang?
Tampok din sa My Guardian Angel sina Mylene Dizon, Ejay Falcon, Ketchup Eusebio, Ruby Rubi, Gerard Pizarras, Abby Bautista, Racquel Pareño, Lui Villaruz, Dale Badillo, at Vangie Martell mula sa panulat ni Joel Mercado at direksiyon ni Jon ‘Sponky’ Villarin.
Huwag palampasin ang pagpapatuloy ng month-long special nina Andrea at Raikko sa Best Development-Oriented Children’s Program ng 2014 Gandingan Awards, Wansapanataym.
