HATAW! D'yaryo ng Bayan hatawtabloid.com
BIGLANG nanigas habang nangingisay ang 60-anyos lolo, nang makaharap ang hubo’t hubad na guest relations officer (GRO) sa loob ng isang kwarto ng apartelle sa Caloocan City, iniulat kahapon ng umaga.
Dead on the spot ang biktimang si Cesar Cueto, 60-anyos, ng Lot 11, Block E-1 Dagat-Dagatan, sanhi ng paninikip sa dibdib.
Sa ulat ni PO3 Rommel Bautista, may hawak ng kaso, dakong 11:00 ng umaga, nang maganap ang insidente sa Fhiolan Apartelle nasa M. H. del Pilar St., Brgy. 120 ng lungsod.
Sa panayam sa GRO, itinago sa pangalang Michelle, 30 anyos, biyuda, kinausap siya ng lolo at nagkasundong mag-check-in sa nasabing apartelle.
“Pinauna niya akong pumasok sa loob. Nang pumasok na siya at habang naghuhubad ako, nagtatanggal na rin siya ng damit, nagulat na lang ako nang bigla niyang sapuhin ang kanyang dibdib at biglang natumba,” kuwento ng GRO.
Dito umano mabilis siyang tumawag ng roomboy para humingi ng tulong sa mga awtoridad na nadatnan ang naninigas na katawan ni Cueto.
Sa imbestigasyon ng pulisya, nabatid na da-ting maysakit ang matanda at gusto lamang makapagparaos pero hindi kinaya ng kanyang katawan.
(rommel sales)
