Friday , March 29 2024

Tuason may 80 bank accounts

IPINAUUBAYA ng Malacañang sa Department of Justice (DoJ) ang pagdetermina sa kwali-pikasyon ni Ruby Tuason bilang state witness sa pork barrel scam.

Ito’y makaraang lumabas ang balitang nagtataglay ng 80 local at international bank accounts si Tuason.

Sinabi ni Communications Sec. Sonny Coloma, tungkulin ng DoJ na alamin kung karapat-dapat pang mapasama sa mga testigo si Tuason.

Ayon kay Coloma, dapat may konkretong basehan bago itiwalag si Tuason sa Witness Protection Program (WPP).

Bukod kay Tuason, naunang kinuwestyon ang kredibilidad ni TRC chairman Dennis Cunanan nang itangging tumanggap ng kickback mula sa pork barrel, taliwas sa testimonya ng whistleblower na si Benhur Luy.

“Tungkulin ng DoJ ang patuloy na alamin ang kanyang pagiging karapat-dapat na mapasama sa WPP sa harap ng kongkretong katibayan,” ani Coloma.

DALAW NI RUBY SA SENADO NAKOMPIRMA SA CCTV

WALONG beses na umakyat sa 6th floor ng Senate building ang pork scam whistle-blower na si Ruby Tuason, sa pagitan ng Nobyembre at Disyembre noong taong 2008.

Ito ay base sa kuha ng closed-circuit television (CCTV) camera ng Office of the Senate Sergeant at Arms (OSA).

Maalala na ipinag-utos ng liderato ng Senado ang pag-review sa video clips makaraan hilingin ito ni Sen. Jinggoy Estrada para pabulaanan ang alegasyon laban sa kanya ni Tuason.

Sa kanyang pagharap noon sa imbestigasyon ng Senate blue ribbon committee, kinompirma ni Tuason na maka-ilang beses siyang umakyat sa tanggapan ni Estrada sa 6th floor para maghatid ng “kickbacks” mula sa multi-billion peso PDAF transactions.

“I personally delivered all the shares of Sen. Jinggoy Estrada and when I delivered in his office at the Senate I was instructed to pass through the entrance to the senator’s parking space so that my bag containing the money will not be opened,” ani Tuason sa kanyang testimonya.

Napag-alaman, ang tanggapan ng Senate president, Senate president pro-tempore, majority leader at minority leader ay matatagpuan sa nasabing palapag ng gusali.

(CYNTHIA MARTIN)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *