Carlo, Dingdong, Joshua, Echo, JC, at Vice bakbakan sa 9th EDDYS Best Actor

SHOWBIZ KONEK
ni Maricris Valdez

INIHAYAG na ng Society of Philippine Entertainment Editors (SPEEd) ang mga nominado para sa 9th The EDDYS o The Entertainment Editors’ Choice. Naganap ang Nominees Reveal kahapon, June 25 sa Luxent Hotel sa Quezon City, na nagkaroon  ng live streaming sa PlayTime Entertainment YouTube channel.

Exciting ang magiging labanan sa Best Actress category sa Gabi ng Parangal. Maglalaban-laban sa Best Actress sina Mylene Dizon para sa pelikulang Habang Nilalamon ng Hydra ang Kasaysayan; Barbie Forteza para sa pelikulang Kontrabida;  Krystel Go para sa I’m Perfect; Angelica Panganiban sa Unmary; Maris Racal para sa Sunshine; at Charo Santos para sa Only We Know.

Labing-apat na kategorya ang paglalabanan ng mga natatanging pelikula at mga artistang nominado sa taunang The EDDYS, bukod pa sa mga special award na ipamamahagi para sa karapat-dapat na alagad ng sining.

Nominado sa Best Picture ang mga pelikung Bar Boys: After School, Eraserheads: Combo on the Run, I’m Perfect, Journeyman, Quezon, Sunshine, at UnMarry.

Magtutunggali sa pagka-Best Director sina Sigrid Andrea Bernardo para sa I’m Perfect, Antoinette Jadaone para sa Sunshine; Jeffrey Jeturian para sa UnMarry; Christian Paolo Lat at Dominic Lat para sa Journeyman; Kip Oebanda para sa Bar Boys: After School; Jerrold Tarog  para sa Quezon; at Maria Diane Ventura sa  Eraserheads: Combo on the Run. 

Sina Carlo Aquino para sa Bar Boys: After School; Dingdong Dantes para sa Only We Know; Joshua Garcia para sa Meet, Greet & Bye; Jericho Rosales para sa Quezon; JC Santos para sa Journeyman; at Vice Ganda para sa Call Me Mother ang maglalaban-laban sa Best Actor.

Hindi rin matatawaran ang mga artistang nominado sa Best Supporting Actress. Ito ay sina Susan Africa para sa How To Get Away From My Toxic Family; Eugene Domingo para sa UnMarry; Jennica Garcia para sa Sunshine; Odette Khan para sa Bar Boys: After School; Rochelle Pangilinan para sa Child No. 82; at Sylvia Sanchez para sa I’m Perfect.

Palaban din ang mga magtutunggali sa Best Supporting Actor na sina Lucas Andalio para sa Call Me Mother; Will Ashley para sa Bar Boys: After School; Rico Blanco para sa Manila’s Finest; Richard Quan para sa How To Get Away From My Toxic Family; Tom Rodriguez para sa UnMarry; at Zac Sibug para sa UnMarry. 

Narito ang iba pang mga nominado sa iba pang kategorya ng 9th EDDYS:

BEST SCREENPLAY

Kip Oebanda, Carlo E. Catu and Zig Dulay (Bar Boys: After School)

Dustin Celestino (Habang Nilalamon ng Hydra ang Kasaysayan)

Sigrid Andrea Bernardo (I’m Perfect)

Chris Martinez (Kontrabida Academy)

Jerrold Tarog and Rody Vera (Quezon)

Chris Martinez and Therese Cayaba (UnMarry)

BEST CINEMATOGRAPHY

Hilarion Banks and Dominic Dycaico (Eraserheads: Combo on the Run)

Ber Cruz (Kontrabida Academy)

Pong Ignacio (Quezon)

Moises M.M. Zee (Salvageland)

Post Bandits Inc. (Sunshine)

BEST VISUAL EFFECTS

Sonny Burgos and Jaye Jacinto (Eraserheads: Combo on the Run)

Jericho Layson and Hanns Scheewe (Habang Nilalamon ng Hydra ang Kasaysayan)

Mylav Einah Infante (I’m Perfect)

Anthony Lyant (Magellan)

Bien Michael Caralian, Vincent Cheng, Jimmy dela Cruz and Santelmo Studio (Shake, Rattle & Roll: Evil Origins)

Kim Perez and team (Sunshine)

The Post Office (Quezon)

BEST MUSICAL SCORE

Teresa Barrozo (Kontrabida Academy)

Frederik Sandoval and Emerzon Texon (Manila’s Finest)

Jerrold Tarog (Quezon)

Jose Antonio Buencamino (Salvageland)

Jose Antonio Buencamino, Mikhail Ali Hooshmand and Paulo Almaden (Shake, Rattle & Roll: Evil Origins)

Rico Blanco (Sunshine)

BEST PRODUCTION DESIGN

Melvin A. Lacerna (Journeyman)

Veronica San Antonio and Larissa Casingal (Kontrabida Academy)

Lav Diaz, Isabel Garcia and Allen Alzola (Magellan)

Diego Ricio (Manila’s Finest)

Monica Sebial (Quezon)

Carmela Danao (Salvageland)

BEST SOUND

Tengal Drilon and Jason Abell (Eraserheads: Combo on the Run)

Lamberto Casas Jr. and Kevin Padilla (Journeyman)

Roy Santos and Neil Diokno (Manila’s Finest)

Immanuel Verona and Fatima Salim (Quezon)

Ditoy Aguila (Shake, Rattle & Roll: Evil Origins)

BEST EDITING

Chuck Gutierrez (Bar Boys: After School)

Chuck Gutierrez and Hilarion Banks (Eraserheads: Combo on the Run)

Aaron Alegre and Mark Cyril Bautista (Journeyman)

Jerrold Tarog (Quezon)

Benjamin Gonzales Tolentino (Sunshine)

Benjo Ferrer (UnMarry)

BEST THEME SONG

Batas ng Api (Kontrabida Academy)

Jack en Poy (Quezon)

Kumpas (Meet, Greet & Bye)

Sandalan (Manila’s Finest)

Tala (Call Me Mother)

Ang Concert Queen na si Pops Fernandez at ang batikang TV host na si Kim Atienza ang magsisilbing host ng 9th The EDDYS at ididirehe ni Calvin Neria.

Taon-taon inoorganisa ng SPEEd ang The EDDYS na isa sa mga pinaka-respetadong award giving body na naglalayong kilalanin ang kadakilaan at galing sa paglikha ng pelikulang Filipino.

Dumating sa ginanap na Nominees Reveal ang singer na si Isha Ponti na naghandog ng dalawang awitin, ang young star na si Shira Tweg ng malapit nang mapanood na thriller film, mantsa, ang Playtime Entertainment host na si Sam Acosta na nagbasa ng major awards nominees, at ang kapatid ni Konsehal Alfred Vargas na si QC 5th District Congresman PM Vargas.

Ang 9th Entertainment Editors’ Choice ay handog ng SPEEd katuwang ang Newport World Resorts, Playtime Entertainment, at Echo Jham Productions kasama ang Globe Telecom at Unilab Inc., SoundCheck Inc. at Pegold, CinePanalo Film Festival at Lyxent Hotel RS Francisco, Beautederm Corporation, at La Playa.