HATAW! D'yaryo ng Bayan hatawtabloid.com
MA at PA
ni Rommel Placente
SOBRANG happy si Sheryl Cruz dahil hindi siya nawawalan ng mga proyekto at sunod-sunod din ang pagtanggap niya ng mga award.
Katatapos niya lang gawin ang vertical drama na Second Chances, produced ng Maddox at Moonstone Productions under the direction of Direk Rommel Penesa.
Kasama niya rito sina DJ Durano, Jao Mapa, at Ynez Veneracion. Malapit na itong mapanood.
May natapos din siyang gawing pelikula, ang Kappa-tiran, directed by Neal “Buboy” Tan for Mamay Productions.
Co-stars niya rito sina Ejay Falcon, Aljur Abrenica, Bembol Roco, Patricia Javier, at Julio Diaz.
May mga TV guesting din si Sheryl. Nag-taping siya para sa dalawang show. Una ay sa game show ni Dingdong Dantes na Family Feud at All-Out Sundays (AOS), na kumanta siya ng live ng mga OPM song.
Samantala, noong May 31 ay tumanggap ng award si Sheryl sa ModelMoms 2026.
At sa June 27 ay muli siyang tatanggap ng award mula naman sa The 2nd Asia-Pacific Topnotch Men & Women Achievers Awards bilang Asia-Pacific Best TV Actress of the Year. Ang organizer ng award-giving body ay si Direk Romm Burlat.
Hndi lang artista at singer si Sheryl kundi isa na rin siyang businesswoman. May itinayo siyang business na tinawag niyang She & Ai Food Products.
Business partner niya rito ang best friend niyang si Ailene Rivera.
Ia-announce nila soon ang official launch date nito.
Napapanod pa rin ang award-winning actress sa musical-drama na Born To Shine, na gumaganap siya rito bilang si Giovanna ‘Vanna’ Grande, ang head coach at vocal coach ng boot camp.
