Sue umaasang maibabalik maayos na kondisyon ng ina
MA at PA
ni Rommel Placente
NAGING emosyonal si Sue Ramirez nang mapag-usapan ang tungkol sa health condition ng nanay niyang na-stroke.
Ayon kay Sue, naapektuhan ang pagsasalita at paglalakad ng ina matapos ma-stroke noong November 2025.
“Ang pinaka-nami-miss ko talaga, makausap si mommy. Simula noong nagkasakit si mommy, parang hindi ko na siya nakausap ulit in a normal way,” sabi ni Sue.
Inilarawan ni Sue ang kanyang nanay bilang isang matapang at matatag na babaeng nagpalaki at nag-aruga ng limang anak.
Bukod dito, ang nanay din niya ang nag-aasikaso sa tatay nila nang magkaroon ito ng stroke-related complications.
“I was molded by a very strong woman who is my mom,” ang pagmamalaki ni Sue sa ina.
Ayon pa sa aktres, umaasa sila na darating din ang araw na gagaling at makaka-recover nang tuluyan ang kanilang nanay sa pamamagitan ng therapy.
“Sana matulungan ng speech therapy at physical therapy ‘yung kalagayan niya,” aniya pa.
Nagpapasalamat din si Sue sa kanyang boyfriend na si Dominic Roque dahil sa pagdamay sa kanya at sa kanilang pamilya. Palagi rin silang nagdarasal kapag magkasama.
“He loves me in my love language,” sabi pa ni Sue na bida sa latest offering ng Regal Entertainment, ang Project Baby katambal si Rico Blanco.
