HATAW! D'yaryo ng Bayan hatawtabloid.com
RATED R
ni Rommel Gonzales
SOLID na fitness enthusiast talaga si Alden Richards!
Kamakailan ay isa siya sa mga nanguna sa selebrasyon ng World Bicycle Day.
Sa report ni Athena Imperial sa 24 Oras Weekend kamakailan ay inihayag na ang pagbibisikleta ang paraan ni Alden sa pagde-stress at bilang priority na rin ng kanyang mental at overall health.
Lahad ni Alden, “Since marami akong engagements everyday because of my work environment, isa ‘yung cycling sa tini-treat ko na outlet for mental health and at the same time para refresher ba, para maka-eject lang ako roon sa work environment and at the same time makabalik ako na refreshed!”
Happy ang Asia’s Multimedia Star na dumarami pa ang nagiging miyembro ng cycling community sa Pilipinas. Mayroong 800 cyclists ang nakiisa sa World Bicycle Day.
“Nakatutuwa lang na slowly palaki nang palaki ‘yung cycling community dito sa Pilipinas.”
Paalala pa ng Sparkle GMA Artist Center male Superstar, “Be mindful of the road. Kailangan laging may helmet. Make sure that ‘yung bike niyo is in good condition before riding out. And safety first!”
Busy din si Alden sa upcoming medical drama series na Code Gray na gaganap siya bilang Dr. Grayson Lozano na isang surgeon.
“Natapos na rin namin majority of the preparations, also the immersion, script reading, look test and everything. So, excited kami to grind for our first shooting day on Monday.”
May Love, Siargao project din si Alden with Nadine Lustre.
