Sue tita-nanay sa mga pamangkin

PUSH NA’YAN
ni Ambet Nabus

PRANGKANG sinagot ni Sue Ramirez ang tanong tungkol sa kanyang kahandaan na maging isang ina in the future.

“Yes, I’m ready na. Trentahin na rin po ako at matagal ko na rin pong napag-isipan iyan. Matagal na akong tita-nanay sa mga pamangkin ko,” sey ng magandang aktres sa mediacon ng latest movie project niyang Project Baby, under Regal Entertainment.

Tahasan ding sinagot ni Sue na if ever ay keri rin daw niyang gawin ang ginawa ng kanyang role sa movie na naghanap siya ng lalaking mag-fertilize at aanakan siya.

“If and only if na talagang ‘yung pagkakaroon ng anak ang goal ko, then why not? Kahit walang asawa, o walang commitment ‘yung lalaking bubuntis sa akin, keri ko,” diretsang sagot ni Sue.

Pero sa totoong buhay na karelasyon niya ang guwapong aktor na si Dominic Roque, nakikita naman niyang magiging isang mabuti at responsableng “ama”ito.

“That’s why kung nais ko nang mabuntis, dapat sigurong kumilos at gumalaw-galaw na ako,” ang natawa pa nitong sagot.

Ang Project Baby ay mapapanood na sa mga sinehan sa June 11. Isinulat ito ni direk Joey Reyes sa direksiyon ni Eric Quizon, na ang leading man ni Sue ay ang rock icon na si Rico Blanco.

Kasama nila sa movie sina Yasser Mata, Alex Calleja, Arra San Agustin, Matt Lozano, Charut, Kimson Tan, Christian Ty, Drei Arias, Jonathan Perez, Jazzil Sarinas, at ang napakaganda pa ring si Ms. Alice Dixon.