HATAW! D'yaryo ng Bayan hatawtabloid.com
ALAM MO NA!
ni Nonie Nicasio
UNANG project ng newbie actress na si Beca Tan ang “Hell University” na napapanood ngayon sa Viva One app.
Ayon sa magandang aktres, sobrang saya niya sa unang project na natoka sa kanya.
Masayang sambit ni Beca, “Sobrang happy and thankful po ako sa Viva Artist Agency and also to my manager tito Jojo Veloso.”
Nagkuwento siya ukol sa role sa Hell University. “My role po is Lyka, anak po ng isang teacher sa Hell University na si teacher Aya. Sobrang sweet and close po sila ng nanay niya, so medyo emotional po yung character dahil sa mga mangyayari pa po sa seryeng ito.”
Paano siya napasok sa serye? “Nag-gosee po ako sa Viva, when they told me I got a role po sa Hell University ay ang saya-saya ko po, dahil first ever character ko po ‘yon na ipo-portray.”
Ano ang wish niyang mangyari sa kanyang showbiz career
Tugon ni Beca, “Gusto ko pong maging successful yung showbiz career ko, na mabigyan ako ng chance na mag-portray ng maraming characters.”
Wholesome ang image ni Beca at ayaw daw niyang magpa-sexy, ito raw ay choice niya mismo.
Aniya, “It’s my choice po na pumasok sa wholesome field lang po, also tito Jojo supported me po.”
Inusisa rin namin ang kanyang dream role? “Siguro yung role po ni Ms. Ashtine (Olviga) sa movie nila na Bahay-bahayan.
“Drama po ito at sobrang deep po kasi ng role niya roon… very emotional and makikita po talaga kung gano kabigat yung nararamdaman ng character.”
May aktres ba na wish niyang sundan ang yapak?
Mabilis na sagot ni Beca, “None other than Ms. Ashtine Olviga, recently po she got an award and she dedicated her award sa mga taong nangangarap pero mahiyain. She shared na roon siya nag-start, as someone who’s mahiyain din po.
“She really inspires me po, kaya dapat na magtiwala lang sa sarili. Also, her acting skills is top tier, she’s very versatile. I love her personality din po.”
