Golf Legend Sung Hyun Park nagpakitang-gilas sa Camp John Hay

BAGUIO CITY — Ibinahagi ng pitong beses na kampeon ng LPGA Tour na si Sung Hyun Park ang kanyang husay at karanasan sa isang espesyal na round of golf na inorganisa ng Bases Conversion and Development Authority (BCDA), kasama ang mga opisyal ng Philippine Sports Commission (PSC) sa prestihiyosong Camp John Hay Golf Course.

Si Park, na nagwagi sa 2017 U.S. Women’s Open at 2018 Women’s PGA Championship, ay naging panauhing pandangal ng BCDA at nakasama sa kanyang flight sina PSC Commissioner Fritz Gaston at negosyanteng si Richard Hong. Sa kabila ng malamig na klima ng lungsod, nagpakitang-gilas ang South Korean star matapos magtala ng kahanga-hangang 8-under-par na iskor.

Ayon sa mga opisyal, ang naturang aktibidad ay bahagi ng patuloy na pagsisikap ng BCDA at PSC na isulong ang golf at palakasan sa bansa, gayundin ang pagpapalakas ng ugnayan sa mga international sports icon na maaaring magsilbing inspirasyon sa mga Pilipinong atleta.

Pinuri rin ni Park ang ganda at hamon ng Camp John Hay Golf Course, na aniya’y isa sa mga natatanging golf destinations sa Asya dahil sa natural na tanawin at kalidad ng kurso. (PSC/HNT)