VMB ng Viva mahirap bitawan

SHOWBIZ KONEK
ni Maricris Valdez

MAY puso at may tatak-Viva. Ito ang tiniyak ni Valerie del Rosario, president at chief operating officer ng Studio Viva Inc., sa paglulunsad ng Viva Movie Box (VMB) kamakailan sa Viva Cafe na tiyak na siyang susundan naman ng mga mahihilig manood ng vertical movie sa social media.

Ang VMB ang bagong vertical streaming platform na maglalaman ng microdramas na tig-1 to 3 minutes per episode. Handog ito ng Viva para sa pagdiriwang din ng kanilang 44th anniversary kahapon, November 10.

“Medyo maraming episodes, pero lahat mahirap bitawan,” paniniyak ni Val. “Kaya po ang tagline natin ay ‘Mahirap Bumitaw,’ kasi ‘yan po ang susubukan naming gawin sa bawat episode na mapapanood po ninyo.

“From Vivamax to Viva One to now po na Viva Movie Box, challenge po namin lagi ay kung paano namin palalawigin ang pagpapakalat kung gaano kagaling ang ating mga artista, ang ating mga storyteller, ang mga tao behind the cameras. 

“So rito sa Viva Movie Box, ‘yan ang susubukan din naminggawin, ang maipakita, lalo pa ang galing ng mga Filipino,” giit pa ni Val.

Iba’t ibang genre ang mapapanood dito, mayrong romance, family drama, stylized (campy) narratives, at adult-drama.

At bilang paunang patikim sa kanilang VMB, mapapanood ang mga pelikulang Aking Ka Lang, Elisa: Batang Kabit, Maid for Revenge, Love Forbids, Inagaw na Anak, A Mistress’ Guide to Moving On, at She’s Not My Sister tampok ang mga naglalakihan nilang artista tulad nina Ryza Cenon, Mon Confiado Rhen Escano, Nathalie Hart, Maui Taylor, Albie Casiño, Rose Van Ginkel, Denise Esteban, Meg Imperial, Louise delos Reyes at marami pang iba.

“With Viva Movie Box, we are effectively translating our established expertise in serialized drama into a new digital medium. Our aim is to utilize the strengths of our creative ecosystem — from talent to production — to deliver compelling, high-volume content. This vertical format allows us to be highly relevant to the next generation of viewers, ensuring our stories are accessible and engaging wherever they are,” turan pa ni Valerie.

Mayron ding well-loved Asian microdramas, na minahal at naging hit sa viewers dahil sa kanilang consistent cliffhangers.

“The introduction of VMB: Viva Movie Box is a move that acknowledges the shift in content consumption. Our strategy ensures that Viva continues to be a central presence in the local streaming sector. We remain focused on understanding and serving the preferences of the Filipino audience. This launch reflects our consistent, forward-looking approach to the entertainment business, emphasizing synergy and market relevance,” sabi aman ni Vincent del Rosario, presidente ng Viva Communications, Inc., 

Maaaring ma-access ang lahat ng titles at episodes sa VMB sa pamamagitan ng pagsu-subscribe sa halagang ₱59 kada linggo. Ang VMB ay available for download sa Google at Apple.