Wize Estabillo idolo sina Luis at Robi 

MATABIL
ni John Fontanilla

MAGANDA ang taong 2025 sa Kapamilya actor/host na si Wize Estabillo dahil sa sunod-sunod na proyektong natatanggap nito.

Bukod sa regular show nitong It’s Showtime Online ay mapapanood na rin ito sa pinakabagong talent show ng ABS-CBN, ang Philippine Got Talent Online ( PGT ) na malapit nang ipalabas.

“Sobrang thankful ako sa Diyos sa mga blessing na ibinibigay niya sa akin ngayong taon, bukod sa ‘It’s Showtime Online’ ay mapapanood na rin ako sa ‘PGT Online.’”

Idolo ni Wize ang mga host na sina Luis Manzano at Robi Domingo. Ang yapak ng dalawa ang gusto niyang sundan when it comes to hosting.

Bukod sa dalawang shows ay kaliwa’t kanan din ang hosting job nito from pageant, mall shows, at festivals sa buong Pilipinas.

At habang tumatagal ay mas humuhusay pa itong mag-host kaya naman parami nang parami ang hosting project na nakukuha niya.

Mapapanood na rin ang newest commercial nito ng Globe Telecom.