Beauty Queen Marianne Bermundo pinalakpakan sa Cloud 7 concert 

MATABIL
ni John Fontanilla

KINAGILIWAN ang production number ng 2023 Miss Teen Culture World International  Marianne Bermundo sa katatapos na concert ng Kapuso P-pop boy group na Cloud 7 na ginanap sa Music Museum noong February 28.

Pinatunayan ni Marianne na hindi lang siya mahusay sa rampahan bilang modelo at beauty queen, mahusay din siyang kumanta at sumayaw.

Sa kanyang song and dance number ay bigay todo si Marianne na halatang pinaghandaan. Kaya naman napahanga nito ang mga nanood ng concert at umani ng hiyawan at palakpakan.

At ngayon, pag-arte ang susubukan ni Marianne dahil isa ito sa bibida sa advocacy film na Ako si Kindness na idinirehe ng award-winning filmmaker na si Crisaldo V. Pablo.

Thankful si Marianne sa 100% support ng kanyang mga magulang, media, at ni Richard Hin̈ola ng Best Magazine at prodyuser ng concert.

Bukod kay Marianne at Cloud 7, humataw din sa dance floor si Yancy De Vega sa kanyang song and dance number.

Nagpapasalamat ang grupong Cloud 7 kina Lukas Garcia, Johann Nepomuceno, Egypt See, kairo Lazarte, Migz Diokno PJ Yago, at Fian Guevarra gayundin sa lahat ng pumunta sa kanilang concert, sa kanilang solid fans, ang  Rainbow sa kanilang producer, manager—Jay Layson, sa press at sa kanilang mga magulang.

Kasabay din ng concert ang 2nd Philippine Young Achievers Award 2025 at ginawaran ng parangal sina  Ima Castro, Karen Carpenter ng Pilipinas na si Cye Soriano, Jeri Violago, P-pop Group na One Verse, Stefani Santos, Yunah S. Pelino, Gil Froyalde, Aleck Calata with rapper Biancka.