HATAW! D'yaryo ng Bayan hatawtabloid.com
MATABIL
ni John Fontanilla
NAPAG-UUSAPAN na nina Rhian Ramos at Sam SV Verzosa ang pagpapakasal. Ibinuking ni Sam na lagi niyang binabanggit kay Rhian na if ever magpakasal sila ay gusto niyang sa Quiapo Church bilang hindi naman lingid sa karamihan na doboto siya ng Jesus Nazareno.
Ito ang ibinahagi nina Cong SV at Rhian sa mediacon ng new lifestyle show ng aktres sa GMA 7, ang Where In Manila na hahalili sa time slot ng show na Dear SV na napapanood tuwing Sabado, 11:30 p.m..
Tugon ni Rhian sa planong pagpapaksal sa Quiapo ay bahala raw si Sam kung saan nito gusto at sasang-ayon siya.
Suportado ni Sam ang bagong show ni Rhian habang abala ito sa kanyang pagtakbo bilang alkade ng Maynila.
Ayon pa rin kay Sam, hindi tuluyang mawawala ang Dear SV, tuloy-tuloy pa rin ito sa social media. Mawawala lang siya ng ilang buwan sa TV.
