HATAW! D'yaryo ng Bayan hatawtabloid.com
MATABIL
ni John Fontanilla
NAGING matagumpay ang grand opening ng Best Label Solutions Inc. na ginanap noong Linggo, July 9 sa kanilang opisina at production floor sa Sta Maria, Bulacan sa pangunguna ng batambatanh CEO nitong si Abdani Tapulgo Galo Jr. kasama ang nakababatang kapatid at COO na si Jevy Tabulgo Galo.
Present din sa grand opening ang Best Label Solutions Inc. Chairman na si Mr. Abdani Galo at ang butihing asawa nitong si Ms Jennifer Tapuldo Galo na nagbigay ng napakaganda at inspiring message para sa kanilang mga anak. Dumalo rin sa pagtitipong iyon ang kanilang pamilya at malalapit na kaibigan.
Ang Best Label Solutions Inc. ay isang family owned label printing business na pamamahalaan nina Abdani, 19, at Jevy, 18 na kahit mga bata pa, very hardworking at naka-focus sa pagpapalago ng kanilang negosyo. Target ng magkapatid na maabot ang kanilang pangarap at ma-penetrate nila ang international market at magkaroon sila ng mga client doon.
Sa ngayon ay wala pang balak kumuha ng ambassador ang magkapatid para sa kanilang negosyo. Kung sakali, si Yassi Pressman ang isa sa napupusuan nila.
Wala rin silang balak pumasok sa showbiz at mag-artista, mas gusto nilang tutukan at paunlarin ang kanilang negosyo na ipinagkatiwala ng kanilang mga magulang sa kanila.
Espesyal na panauhin ng hapong iyon sina Kapuso Action Prince Ruru Madrid, Ms Earth Philippines Yllana Marie Aduana, Dustine Mayores (actor/ influencer), Cloe Redondo (singer/ influencer), Archie Aguilar(singer/influencer), Katkat Manimtim (social media influencer), Daniel Bernardo (social media influencer), Bugoy Cariño (actor/ influencer) and Dior Veneracion (singer/ social media influencer).
