HATAW! D'yaryo ng Bayan hatawtabloid.com
MATABIL
ni John Fontanilla
HINDI takot tumanda si Marian Rivera dahil lahat naman ng tao ay tatanda.
Kailangan lang na alagaan ang sarili para maging maganda pa rin ang pagtanda.
Ayon kay Marian sa media launch ng bagong skincare brand na BlancPro na pag-aari ni Ms Rhea Anicoche-Tan, “For me, wala naman sigurong disadvantage (ang kanyang beauty). Kailangan nating tanggapin ang katotohanan na, alam mo ‘yun, hindi naman forever young ka.
“Pero ang tanong, how do you take care of yourself habang tumatanda ka? Kaya naman nandiyan ang ating mga lotion. Para alam mo ‘yun, kasi ‘yun naman talaga ‘yun. Kung paano mo aalagaan ‘yung sarili mo.
“Kasi, lahat tayo darating diyan. Lahat tayo tatanda. ‘Yun nga lang, paano ka tatanda na mas maayos, mas maganda, ‘di ba? For me, okey ako roon. In-embrace ko ‘yung ganoong pagkakataon.”
Dagdag pa ng ambassador ng BlancPro, “Marami akong routine, eh. Maarte ako, eh. ‘Yun ‘yung sinasabi ko kay Ate Rhea, isa sa mga topic namin kapag nag-uusap kami, kahit way-way back pa.
“Kuung paano namin aalagaan ang sarili namin, kung anong product inilagay namin sa face namin, kung ano bang kailangan naming moisturizer or sunblock. Maingat talaga ako sa ganoon.
“Siguro, isa ‘yan sa mga namana ko sa nanay ko. Si Mama talaga, since maliit pa ako, gusto talaga niya naglo-lotion, which is naipapasa ko sa mga anak ko talaga na lotion kami nang lotion. Pagkatapos maligo, bago matulog,” pagbabahagi ni Marian.
At kahit nga ang kanyang asawang si Dingdong Dantes ay nilalagyan niya ng lotion.
“Kahit tulog siya, lo-lotion-an ko siya. Kasi, ‘di ba, alam natin ‘yung boys, aminin natin minsan, alam mo ‘yun, hindi masyadong ganoon (naglalagay ng lotion).
“So ‘yung asawa ko, hindi. ‘Pag tulog na lang, lo-lotion-an ko.
“Hindi lang palaging skin-skin. Siyempre kailangan inside rin, masaya ka, happy ka na alam mo ‘yun, sa sarili mo, sa pamilya mo, sa lahat ng achievements mo. So, mahalagang combination ‘yang dalawa na ‘yan,” pagtatapos ni Marian.
