Sarah tuloy na ang paglipat sa GMA

MA at PA
ni Rommel Placente

BALITA namin ay sa GMA 7 na mapapanood ang The Voice Kids, na dating nasa  ABS-CBN. Ang Kapuso Network na raw kasi ang nakakuha ng franchise nito ngayon. At sina Sarah Geronimo at Bamboo pa rin ang dalawa sa magiging coach. 

Hindi naman daw tinanggap ni Leah Salonga  ang offer ng Siete na maging parte ng nasabing show. Ayaw daw nitong lumipat sa Syiete at mas gustong maging loyal sa Kapamilya Network.

Noon pa naman ay may bulong-bulungan na lilipat na sa GMA 7 si Sarah. So, tuloy na pala ito, dahil kasama siya sa The Voice Kids?

Siguradong maraming loyalista ng ABS-CBN ang magagalit kay Sarah. Sasabihin nilang ang ABS-CBN ang nagpasikat sa misis ni Matteo Guidicelli tapos iiwan niya lang pala ito.

Pero hindi sila dapat magalit kay Sarah dahil may manager ang magaling na singer, ang Viva. Sila ang nagdedesisyon para sa career nito.

Well, abangan na lang natin kung sa GMA 7 na nga mapapanood si Sarah.