Narco barangay officials high value target ng PDEA

hataw tabloid October 10, 2016 News

100816-quiapo-drugs-arrest — PITO ang napatay kabilang ang isang barangay chairman na kinilalang si Faiz Macabato, at isang kagawad ng Islamic Center sa Quiapo, Maynila habang 200 katao ang naaresto na hinihinalang drug users at pushers. Pinapila ang mga suspek sa Palanca Bridge sa San Miguel, Maynila habang isinasagawa ang operasyon laban sa ilegal na droga ng pinagsanib na puwersa ng PDEA, Manila Police District (MPD) at SWAT PNP-NCRPO. (BONG SON)

BUNSOD nang paglobo ng mga opisyal ng barangay na nasasangkot sa illegal drug trade, ikinokonsidera ngayon ng Philippine Drug Enforcement Agency (PDEA) ang barangay officials bilang high value target.

Ayon sa PDEA, tumaas ng 18.88 porsiyento ang mga nasangkot at naarestong barangay officials sa iba’t ibang drug related offences mula 2015 hanggang 2015.

Noong 2014, nasa 55 katao na kinabibilangan ng 10 barangay chairman at 45 kagawad ang naaresto dahil sa paglabag sa anti-illegal drug law.

Habang noong nakaraang taon ay pumalo na sa 65 barangay officials ang naaresto sa iba’t ibang drug related offenses.

Sa nasabing bilang, anim rito ay mga barangay chairman habang 59 ay mga kagawad.