HATAW! D'yaryo ng Bayan hatawtabloid.com
Isang Nursing student na may kakaibang manliligaw ang gagampanan ng Kapuso actress na si Max Collins sa episode ng Karelasyon ngayong Sabado (August 13).
Kung ang isang babae raw ay may manliligaw na laging dumadalaw sa kanya, ang dulot nito marahil ay kilig o tuwa.
Pero sa situwasyon ni Alma, kilabot at takot ang hatid ng kanyang bisita na sa panaginip lang nagpaparamdam sa kanya.
Sospetsa ng kanyang mga kaibigan, labis na stress sa pag-aaral ang sanhi ng hindi pagkakaroon ng mahimbing na tulog ni Alma.
Pero nang maging marahas na ang kanyang kakaibang manliligaw, lubos nang naapektohan ang wisyo at kasulugan ni Alma.
Guni-guni nga kaya ito ng dalaga? Paano siya makakalaya mula rito upang maipagpatuloy niya ang simple at tahimik na buhay kasama ang kanyang lola at mahal na kasintahan?
Tampok din sa episode na ito sina Rodjun Cruz at Vangie Labanan, sa panulat ni Honee Alipio at direksyon ni Zig Dulay.
Mapapanood ang Karelasyon kasama si Carla Abellana tuwing Sabado pagkatapos ng Eat Bulaga sa GMA.
Send in those sizzling stories that you know about our fave showbiz personalities at [email protected] and #09994269588, #09276557791 and #09223870129 and read them here.
And with that, ito po ang kuya Pete ninyo na nagsasabing, Christopher, my son, I love you very, very much, my love for you goes beyond eternity. Adios. Mabalos. I always need you, Nong!
BANAT – Pete Ampoloquio, Jr.
