ALAM MO NA!
ni Nonie Nicasio
NAKATUTUWANG malaman na punuan ang mga sinehan sa Gateway Cineplex na kasalukuyang napapanood ang mga entry sa ginaganap na Puregold CinePanalo Film Festival 2026.
Buena manong napanood namin last Wednesday ang pelikulang “Multwoh (Patay Na Patay Sa’yo)” ni Direk Rodina Singh at tinatampukan nina Sassa Gurl and Joao Constancia at punong-puno ang Cinema 16.
Ito rin ang nabanggit sa amin ng mga katotong sina Bobby Requintina, John Fontanilla, at iba pa, na ang mga napanood nila ay puno rin ng tao at nag-enjoy sila nang husto.
Plano sana namin na makarami na ng entries na panonoorin ng hapong iyon, pero dahil masama ang pakiramdam namin ay ngayong Friday na lang kami raratsada sa panonood.
Nakita namin dito ang Festival Director ng Puregold CinePanalo Film Festival na si Direk Chris Cahilig at si Ms. Leselle D. Kohli na punong-abala rito and I’m sure na proud na proud sila sa malaking tagumpay ng ikatlong taon ng film fest na ito.
Anyway, bukod sa 7 Full-Length Category, gusto rin namin panoorin ang 19 student shorts category. Nag-e-enjoy kasi kami sa mga malikot na utak ng mga batang filmmakers, gaya nang naunang dalawang taon ng Puregold CinePanalo.
Galing sa iba’t ibang panig ng bansa, ang bagong henerasyong ito ng mga boses sa pelikula ay sabik na sabik mag-iwan ng marka sa filmfest na ito.
Ito ang pahayag ni Ivy-Hayagan Piedad, festival chair ng Puregold CinePanalo, “Every film in this year’s CinePanalo carries the passion of its creators. Giving these stories a platform where audiences can experience and celebrate them is our way of supporting Filipino artistry and contributing to the continued growth of Philippine cinema.”
Narito ang listahan ng student shorts category:
SET A: Starfish, director: John Clite Apolinar, starring: VR Relosa, Nour Hooshmand, Jake Ulan, Floyd Tena, at Dads Valencia; Kun Hain, Bisan Diin (Anywhere and Everywhere), director: Jomarie Reyes, starring: Pau Baluyan, Carla Zarcal, at Anton Nolasco; Kanibal, director: Michael Baylon, starring: Rowen Jean Ledesma, Roselle Lao, at Ma. Lourdes Maculada; Sa Mga Nagdaan at Lumipas, director: Ezaldea Carla Fernandez, starring: Darelle Tiu, Aly Torres, at Karla Dipasupil; and Limlim, director: Samantha Beatriz Acoja Palaje, starring: Zoey Madison, Presentacion Lim, at Angela Salga.
SET B: Alumahan, director: Christian Melvin M. Arejola, starring: Don Rishmond Cerbito, Zoey Madison Lim, at Jeremy Mayores; When Heaven Inched Towards Earth, director: Vinh Marco, starring: André Miguel at Kaleb Ong; No Mad is an Island, director: Carl Geronimo, cast: Arjhay Mangulabnan at Vic Romano; Tingi, director: Rowan De Aro, starring: Jero Andrey Marcelino at Evangeline Argete Gigante; at Ang Huling Banlaw ni Susan, director: Hezekiah M. Estorque, starring: Jonalyn Mateo, Ian Laczi, Chayl Flores, at Jeffrey James.
SET C: Pulis Dunggab, director: Maxine Dela Bajan, starring: Van Jordan Gacayan, Elj Seth Tababa, at Richel Ann Basiga; The Sound of K, director: Jay Gabriel A. Cañada, starring: Jay Gabriel A. Cañada; Nakabinbin, director: Carlo Gula, starring: Soliman V. Cruz; at Nang Matakasan ang Tagay” director: Giancarlo Santiago, starring: Chino Alfonso at Jovic Gabriel Cardano.
SET D: Teks Battle: Shoot Pati Pato!, director: John Russel Capule, starring: Trisha Nicole Corpus, Kenneth Mendoza, Rhandylle Marius Obra, at Samantha Gleo; Kapag Tapos na ang Umpukan, director: Justine Lee Estinor, starring: Oz Kenshin Rodas; 12 Shots, director: Minnesota Flores, starring: Nor Domingo, Kyrie Samodio, at Ethan King; Bumtak Sara ti Nuangen (The Carabao’s Horns Have Cracked), director: Lloyd Pereira, starring: Belle Francisco and Riya Miranda; at Miss Intrams, director: Henri Marie C. Belimac, starring: Mariella Cuerpo, Mika Hamajo, at Diana Palma.
Ang ticket ay mabibili sa ₱250 regular at ₱200 discounted. Ang ₱2,000 festival pass ay nagbibigay sa moviegoers ng paraan para mapanood ang buong line up ng 26 na entry, habang ang mga PWD, senior citizen, estudyante, pambansang atleta, at mga cardholder ng Aling Puring at Perks ay kalipikado para sa mga may diskuwentong tiket.
Nagsimula noong September 23, ang filmfest ay tatagal hanggang October 4.
Ito’y mapapanood sa Gateway Cineplex 18, TriNoma, Fairview Terraces, Feliz, Ayala Malls Circuit, Ayala Malls Manila Bay, at Market! Market!
