MATABIL
ni John Fontanilla
DUMAAN sa audition ang isa sa pinaka-busy na aktor sa bansa, si Wilbert Ross sa Fil-Korean Movie na The Guardian para mapasana sa pelikula.
Tsika ni Wilbert, “Itinawag po sa akin, na parang ako na raw ‘yung kalaban ng bida.
“First ko yata ito bilang villain role. Pero ito sinabi po sa akin noon sa audition na hindi ko nakuha ‘yung role, ‘yung isa.
“Tapos bigla na lang akong tinawagan na inilagay ako roon sa isang role.”
Bago para kay Wilbert ang pagiging kontrabida sa pelikula, lalo’t karamihan ng ginawa ay siya ang bida.
“Bago po sa akin na maging kalaban. Bago po sa akin ‘yung role na parang cool.
“Tanga-tangang role po kasi ang laging naibibigay sa akin.
“Bago po sa akin ‘yung parang ‘yung ngiti ko roon (The Guardian) tapos parang sarcastic na ngiti.
“Parang isang beses lang yata ako ngumiti sa movie, ‘yung throwback yata, ‘yun po.
“Sobrang ibang-ibang Wilbert ang makikita n’yo rito.”
Malaki ang pasasalamat nito sa Korean productions sa advice na ibinibigay sa kanya habang nagsu-shooting.
“Ako po na-push po ako lalo na sa action theme, kasi may mga time kasi na parang hindi ko kaya.
“Tapos parang pinu-push nila ako, ‘na kaya mo ‘yan,’ pero Korean po ang pagkakasabi ha.
“’Yung parang ganoon po, kasi parang top ng car yata kailangang sumipa ako, tapos may barbwire sa gilid, pero malayo naman, praning lang ako kasi first time ko.
“Pero sabi nila, ‘hindi, you can do it, your an action, you are an action star, you can do it.’
“’Yun po sobrang supportive po nila, like pinu-push po nila ako na parang, sinasabi ko parang ‘di ko kaya ‘yan. Pero sabi nila, ‘kaya mo ‘yan.’ Sobrang supportive po nila.”
Makakasama sa The Guardian ni Wilbert sina Eric Ejercito, Yassi Pressman, Jeric Raval, Joko Diaz, Ashtine Olviga, at mga Korean star na sina Nam Woo-hyun ng INFINITE, Park Eun-hye, at Han Jae-seok sa direksiyon ni Jeong Jang-Hwan. Produced by Wesley Villarica (Parallax Studio Inc.) at Micah Fernandez(Robosheep Studios). Mapapanood na sa cinemas nationwide sa September 2, 2026 . Distributed by Viva Films.
