HATAW News Team
WALA pang 30 araw nauupo pero nagbitiw na sa puwesto ang katatalagang si Health Secretary, Dr. Jose Brittanio “Brix” Pujalte habang tinukoy ang kanyang kahaliIi na si PhilHealth president at Chief Executive Officer, Dr. Edwin Mercado.
Kinompirma ng palasyo ang pagbibitiw ni Pujalte ay bunsod ng kanyang kalusugan. Wala pang isang buwan naging kalihim si Pujalte.
Samantala, papalit kay Mercado sa PhilHealth si Dr. Beverly Lorraine C. Ho, chief Health officer ng Ayala Healthcare Holdings Inc. Si Ho ay nagsilbi noon sa DOH bilang assistant secretary at isa sa mga naging tagapagsalita ng Kagawaran noong kasagsagan ng pandemyang COVID-19.
Bukod sa kalagayan ng kalusugan, sinabing naharap sa kontrobersiya si Pujalte, kabilang ang isyu sa suspensiyon ng procurement ng gamot sa pulmonary tuberculosis. Maugong din ang isyu ukol sa gambling.
Ipinahayag ng Palasyo, ipinauubaya ni Pangulong Ferdinand Marcos, Jr., sa Ombudsman ang pag-iimbestiga sa mga reklamo laban kay Pujalte.
Kabilang sa marching order ni PBBM kay Mercado ay unahin ang kapakanan at kalusugan ng bawat Filipino.
