Beaver itinanggi relasyon kay Mutya: friends po kami

I-FLEX
ni Jun Nardo

ITINANGGI ng singer-actor na si Beaver Magtalas na nagkaroon sila ng relasyon ni Mutya Orquia na nakapareha niya sa pelikula nilang When Magic Hurts.

Sa third movie ni Beaver, ang Kaka Sa Yawan (Brother from Another River), magiging bahagi ito ng Cinemalaya 2026. Pero hindi si Mutya ang kanyang kapareha, huh!

“Hindi po naging kami ni Mutya. Friends kami ever since before pa sa project na ‘yun. Ginawa namin ang project na ‘yun as professionals. Very close friends po kami!” sabay ngiti ni Beaver.

Bago makuha sa movie, isa sa mahigit na 500 auditionees si Beaver. Luckily, sinuwerte siya at pumunta sila sa  Mindoro to shoot with the Mangyans.

Kasama niya sa movie ang child actor na si Bryce Nicollo na malaki ang role sa movie. 

Bahagi rin ng movie sina Quennay Mercado, Karl Medina, Luis Alandy, Nikki Valdez at iba pa at ito ay mula sa direksiyon ni Alpha Habon under Bryce Entertainement Productions and ICMM Film Productions.