HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MAGLALAGARI sa dalawang projects si Gwen Garci, ito ang Kapuso series na “You’re My Favorite Song” at pelikula mula Viva na pinamagatang “Milf”.
Ayon sa dating member ng Viva Hot Babe, nagsimula na siyang mag-taping sa serye ng GMA-7 at susunod na rito ang shooting ng kanilang bagong pelikula.
Aniya, “Aside sa seryeng You’re My Favorite Song, mayroon pa pong movie, abangan po nila ito, ang title ay Milf. Hindi pa po nag-start ang shooting ng movie sa Viva, around third week pa raw po.”
Magpapa-sexy ba siya ulit sa pelikulang Milf?
“Mayroon po silang aabangan sa movie na ito,” biting tugon ni Gwen.
Dagdag pa niya, “Ang movie pong ito, parang
iyong Sex In The City po. Isang dark comedy. Kami nina Maui (Taylor), Sheree and Katya (Santos) ang cast po rito.”
Nabanggit din niya ang bagong serye. Aniya, “Ang role ko rito, friend po ako ni Katya Santos. Ang gagampanan ko rito ay kikay na bubbly at komedyante,” pahayag ng aktres.
Challenging daw para sa kanya ang ganitong role, dahil taliwas ito sa kanyang personality.
Esplika niya, “Yes, okay lang po sa akin ang ganitong mga role, challenging ito para sa akin. Kasi, hindi ako talaga ganoon… tahimik po ako at soft spoken in real life.”
Hindi naman siya under contract sa GMA-7, pero madalas siyang may project sa naturang TV network. Ano ang reaction dito ni Gwen?
“Sa Viva pa rin po ako, wala akong contract sa GMA-7. Kaya nagpapasalamat ako sa kanila nang sobra. Na kahit hindi nila ako contract artist ay madalas nila akong nabibigyan ng projects,” sambit pa ng aktres na walang kupas ang kaseksihan.
