HATAW! D'yaryo ng Bayan hatawtabloid.com
ALAM MO NA!
ni Nonie Nicasio
INILARAWAN ni Khai Flores na kakaiba ang pelikula nilang “Mantsa” na nakatakdang ipalabas sa mga sinehan very soon.
Ayon sa guwapitong aktor, “Ang Mantsa po is tungkol po siya sa family, friends, at mental health issue. Ito po ay thriller movie, kakaiba po ito actually, lalo na po sa mga ipinapalabas na movies ngayon. Kasi po maraming plot twist, kaya dapat abangan po ito sa cinema.
“Ako po rito si Rafael, ang apo po ni Ms. Pilar Pilapil. Ako po ay may mental health issue rito.”
Maganda ang cast ng movie na mula sa batikang director na si Louie Ignacio. Bukod kina Khai at Ms. Pilapil, tampok sa Mantsa sina Gelli de Belen, Janice de Belen, Shira Tweg, Snooky Serna, Lloyd Samartino, Dino Guevarra, LA Santos, Bo Bautista, Ghia Garcia, Mill Marzo, RJ Ariar, Rain Barreto, Miles Poblete, at iba pa.
Mainly, umiikot ang istorya nito kina Ms. Pilar, Gelli, Shira and Khai.
Anyway, ito na ang pang-apat na pelikula ni Khai, una ay ang “Mga Kaibigan Ni Mama Susan”, “Huling Hibla”, at “Sugat Sa Dugo”.
Si Khai ay 23 years old at nasa pangangalaga ng Dragons Talent Management Production nina Bambbi Fuentes at Tine Areola.
Nabanggit din niya kung gaano siya kaseryoso bilang aktor.
Esplika ni Khai, “Bata pa lang po ako ay humaharap na ako sa salamin para umiyak, sigawan ang sarili ko… Akala ko that time ay may problem ako sa utak ko, hehehe.
“Then noong high school na po, sumasali po ako sa clubs. Ang club ko po noon is theater and four years straight po akong Best Actor that time. Then that time, parang sabi ko sa sarili ko na gusto kong ipagpatuloy iyon.
“Masaya ako kapag ginagawa ko ang pag-arte, nailalabas ko ang gusto kong ilabas. Sa pag-arte ko na lang inilalabas ang gusto kong ilabas at ‘yung pagod na iyon is masaya iyon. Iyon ‘yung hinahanap kong pagod palagi.
“Kaya hanggang ngayon, hindi pa rin ako sumusuko sa passion ko kahit maraming beses na dapat akong umalis dito sa industry na ito.”
Ang pelikulang Mantsa ay hatid ng Dragon Talent Management ng mga producer na sina Bambbi Fuentes at Tine Areola. Co-producer sa movie si Mr. Ric Valenzuela.
