Visayan singer patok ang kanta sa Manila

MATABIL
ni John Fontanilla

NATUTUWA ang Visayan singer na si Debbie Lopez dahil ngayon ay unti-unti nang napi-penetrate ang music scene sa Manila via her Visayan song, Ang Higugmaon Ka na napakikinggan sa iba’t ibang radio station at umiingay na rin sa social media.

Hindi inakala ng Debbie na kahit na Visaya ang kanyang awitin ay yayakapin ng mga Manilen̈o at magugustuhan ang kanta.

Ang nasabing awitin ay mula sa komposisyon ni 

Kuya Bryan, kaya naman sobrang pasasalamat dito ni Debbie dahil sa kanya ipinagkatiwala ang kanta. 

Kuwento ni Debbie tungkol sa kanta, “It’s a ballad song, it’s about love. For example ako may minahal akong lalaki.

“Tapos ‘yung lalaki may mahal na iba. Tapos hoping  that he will realize na mahal ko siya, ganoon.”

Dagdag pa nito na patuloy pa rin niyang ipino-promote ang nasabing awitin mula Luzon, Visayas and Mindanao at available  na rin sa Spotify at iba pang music platforms.

Happy ang Visayan singer sa magandang takbo ng kanyang career. Bukod sa kaliwa’t kanang guesting sa iba’t ibang shows ay nakatakda  rin siyang mag-release ng isa pang kanta ngayong taon at posibleng magkaroon ng concert.