Megan, Mikael, at anak nag-bonding sa Baguio

MATABIL
ni John Fontanilla

IBINAHAGI ni former Ms World 2013 at aktres na si Megan Young ang mga larawan sa social media na kuha sa bakasyon sa Baguio kasama ang asawang si Mikael Daez at anak na si Leon.

Hindi naiwasan ni Megan na mag-throwback na noong una ay dalawa lang sila ni Mikael na pumunta ng Baguio limang taon na ang nakalipas. Pero ngayon ay tatlo na silang umakyat ng Baguio dahil kasama na ang anak nilang si Leon.

Nag-post nga ito ng larawan sa kanyang Instagram account na may caption na, “The last time we were in Baguio it was just Fofo and I. Now, we have all our bbs with us.”

Ibinahagi rin nito na sobrang nag-eenjoy si Leon sa malamig na weather ng Baguio.