Marian Modern Grand Slam Best Actress ng Dangal ng Pinas 2026

MATABIL
ni John Fontanilla

GINAWARAN ng Dangal ng Pinas 2026 si Marian Rivera bilang Modern Grand Slam Best Actress para sa pelikulang Balota.

Hindi man nakadalo ang Kapuso actress sa parangal na ginanap sa Manila Hotel ay naihatid naman ng pamunuan ng Dangal ng Pinas na sina Joe Salonga at Antonio Aran̈ez ang tropeo.

Sa isang video na ipinost ng Dangal ng Pinas sa kanilang Facebook page, nagpasalamat si Marian sa award na ibinigay sa kanya, “Dangal ng Pinas maraming-maraming salamat sa award na ito.

“Nakatataba ng puso dahil patuloy ninyo pa ring minamahal si Teacher Emy, mabuhay po kayo.” 

Ilan pa sa pinarangalan ng Dangal ng Pinas ngayong 2026 sina Barangay LSFM 97.1 DJ Mama Emma bilang Outstanding FM Radio Personality/Female DJ at Janna Chu Chu bilang Outstanding Media Personality and Entertainment Influencer Award, at ang kanilang show na SongBook bilang Outstanding Radio Station and Public Service Award. 

Kasama rin sa binigyang pagkilala sina Janah Zaplan, Professional Singer/ Recording Artist; Ralph Dela Paz, Outstanding Indie Actor/ Performing Arts Award; Kyle Daniel,  Best New Artist/ Breakthrough Artist; D Grind, Oustanding Dance Group Performer of the Year; Jobel Dayrit, Outstanding Choreographer/Dance Mentor of the Year; Connie Angeles, Television Host and Public Service Advocate; Hiro Magalona, Rising Star in Television and Entertainment; Jeffrey Santos, Outstanding Humanitarian Leader and Supporting Actor of the Year atbp..