Nadine makakalaban sina Lorna, Cristine, at Chanda sa 8th EDDYS

MATABIL
ni John Fontanilla

PAGKATAPOS parangalan sa 53rd Guillermo Mendoza Foundation Memorial Awards bilang Best Supporting Actress sa pelikulang Uninvited, nominado si Nadine Lustre sa 8th EDDYS o Entertainment Editors’ Choice ng Society of Philippine Entertainment Editors (SPEEd) sa kaparehang kategorya.

Sa katatapos na Nominees Reveal ng SPEEd sa Rampa Drag Club sa Tomas Morato, Quezon City noong July 1 ay pinangalanan na ang lahat ng mga nominado para sa The EDDYS na gaganapin sa Ceremonial Hall ng Marriott Grand Ballroom in Pasay City sa July 20 na magkakaroon ng delayed telecast sa Kapamilya Channel at Jeepney TV, at mapapanood naman ng global viewers via iWantTFC sa July 27.

Makakalaban ni Nadine for Best Supporting Actress sina  Lorna Tolentino at Chanda Romero  para sa pelikulang Espantaho, Kakki Teodoro (Isang Himala’, Cristine Reyes (The Kingdom), at Elora Españo (Your Mother’s Son).