Barbie handa nang magmahal muli, wala pang nagpaparamdam

MA at PA
ni Rommel Placente

SINGLE pa rin hanggang ngayon ang Kapuso actress na si Barbie Forteza ilang buwan matapos silang maghiwalay ng kanyang ex-boyfriend na si Jak Roberto.

Ayon kay Barbie, wala pang nagpaparamdam o nanliligaw sa kanya ngayon. Biro pa niya, multo lang daw ang nagpaparamdam sa kanya.

Hindi naman siya strict about pagpapaligaw. Kung may magpaparamdam o manliligaw sa kanya, ay wala namang problema. Na ang ibig niyang sabihin ay ie-entertain niya.

So, handa na palang magpaligaw si Barbie, ‘di ba?

Kung wala pang bagong boyfriend si Barbie, may bago naman siyang serye sa Kapuso network. Talagang hindi siya nababakante sa work, dahil kapag natapos na ang isa niyang proyekto, mayroon agad itong kasunod. Kaya naman feeling blessed and  grateful lagi ang dalaga.

Busy ngayon si Barbie sa bago niyang GMA series, ang Beauty Empire kasama sina Kyline Alcantara, Ruffa Gutierrez, Gloria Diaz at iba pang Kapuso stars.