HATAW! D'yaryo ng Bayan hatawtabloid.com
PUSH NA’YAN
ni Ambet Nabus
ITINULOY nga ng mag-inang Roselle at Atty. Keith Monteverde ang legacy ni Mother Lily na ipakilala sa entertainment media ang mga kumakandidato sa public office na sa tingin nila ay progresibo at may malasakit sa industriya.
Sa mga nakaraang eleksiyon kasi noong nabubuhay pa si Mother Lily, masugid talaga ang pagtulong nito sa mga kandidatong nais niyang mapalapit sa showbiz industry.
Naalala pa namin noon ang grabeng suporta niya kina Sen. Grace Poe, Dick Gordon, Lino Cayetano, Sonny Angara, Bong Revilla, Jinggoy Estrada, Lito Lapid, Loren Legarda at marami pang iba.
Mereseng nakalimutan o kinalimutan ng ilan sa kanila ang nasabing ‘tulong’ ni Mother o ‘di kaya naman ay somehow nabigo/binigo nila ang industriya, hindi pa rin ito naging rason para ma-disappoint ang Monteverde family.
Ang latest nga nilang iniharap sa showbiz media at kumbaga ay pinuhanan ng tiwala ay si Sen Kiko Pangilinan.
More than being Megastar Sharon Cuneta’s husband, marami na rin namang napatunayan ang dating senador at noong huling laban niya ay bilang bise presidente.
“That’s why we are forever grateful to Regal family, most especially to Mother Lily. Hindi man ako lumaki bilang Regal baby, I can and I will say that having worked with Regal kahit once lang, has made my filmography complete and relevant.
“And now that they are doing this for my husband, I, we are forever grateful. Hindi naman siguro kami tatayaan ng Regal if somehow ay walang napatunayan o nagawang maganda at disente ang asawa ko bilang public servant,” bahagi pa ng pasasalamat ni Shawie sa Regal family at sa mga kaibigan sa showbiz media.
“I know you can help us disseminate the right and correct information to the public. Sama-sama nating labanan ang fake news, ang mga maling claims sa social media. You have the power and influence,” susog naman ni Sen. Kiko na ang adbokasiya pa nga rin sa agrikultura ang pangunahing bitbit sa kampanya among his other platforms.
