Management ni John Lucas pinababaklas pag-endoso kay Abalos

I-FLEX
ni Jun Nardo

UMALMA ang team sa likod ng career ng Kapuso actor na si Jon Lucas dahil ‘yung pahayag niya last year eh ginamit bilang endorsement ng isang senatoriable Benhur Abalos na wala namang koneksiyon sa kandidato.

Nananawagan ang kakilala naming si Jan Enriquez from Aguila Entertainment sa socmed team ni Abalos, sa chief of staff, kaugnay ng post sa social media under Benhur Abalos account.

Sa pagkakantanda namin, may cameo role si Abalos noong siya pa ang nakaupo bilang DILG Secretary sa GMA series na Black Rider na isa sa main kontrabida si Jon.

May kasama nang endorsement si Jon  sa  post sa socmed at may pasasalamat pa si Abalos, huh!

Election na next Monday, May 12, kaya asahang patindi nang patindi ang kampanyahan at para-paraang kampanya sa social media.