SHOWBIZ KONEK
ni Maricris Valdez Nicasio
MASAYA kami sa ibinalita ni Niño Muhlach na malaki ang improvement ng anak niyang si Sandro Muhlach. Itoy matapos ang traumatic experience last year sa dalawang GMA independent contractors.
Ayon kay Nino nang makausap namin sa media conference ni Sen Bong Revilla, “Once a month na lang ang kanyang therapy. Dati kasi, three times a week, eh.”
Ibinahagi rin ni Onin na lumalabas-labas na ang kanyang anak hindi tulad noon na laging nakakulong sa kuwarto.
Sinabi pa ng aktor na magbabalik na sa pag-arte si Sandro at nagte-taping na ito para sa bagong show sa GMA Network.
Ibinahagi pa ni Nino na tuloy pa rin ang kanilang paglaban at tiniyak na hanggang dulo ay lalaban sila. Ito ay iyong 2 counts of acts of lasciviousness and rape through sexual assault ang dalawang GMA independent contractors na sina Jojo Nones and Richard Cruz.
