Raceway Park malaking tulong sa turismo ng Morong 

MATABIL
ni John Fontanilla

MAYAGUMPAY ang  Groundbreaking Ceremony ng Morong Raceway Park na ginanap last January 16, 2025 (Thursday) 7:30 a.m. sa Sitio Talaga Maybangcal, Morong Rizal.

Ang groundbreaking ceremony ay pinangunahan ng CEO ng Morong Race Park na si Christian Tria at nakatatanda nitong kapatid at co-owner na si Intele, Vice President Cecille Bravo, Pete Bravo, President ng Intele, at Miguel Bravo.

Ilang beses nang nanalo sa car racing sa Amerika si Christian, kaya naman katuparan ng kanyang pangarap ang Morong Raceway Park na aabot ng dalawang taon ang construction at nagkakahalaga ng P200-M para maitayo.

Naging espesyal na panauhin at nagbigay ng mensahe si Morong, Rizal Mayor Sidney Soriano.

Ayon kay Mayor Sidney, malaking tulong sa turismo ng Morong ang Raceway Park.

Present din ang magsisilbing Ambassadress ng Morong Raceway Park at TV5 prime artist na si Sam Coloso. Hosted by Its’ Showtime Online host Wize Estabillo at idinirehe ni Raoul Barbosa.