PUSH NA’YAN
ni Ambet Nabus
KAHIT sino naman ay magiging proud lalo’t inihihilera ka na sa mga gaya nina Dingdong Dantes at Dennis Trillo bilang most reliable “kings at top leading men” ng GMA 7.
Ganyan nga ang pakiramdam ngayon ni Ruru Madrid na matagal na din namang may napatunayan bilang top leading man ng Kapuso shows. Pero nitong matapos lang daw manalong Best Supporting Actor sa MMFF totoong na-feel na “certified GMA king” na rin siya.
Sa January 20 ay muling huhusgahan si Ruru sa season 2 ng Lolong, Bayani ng Bayan action-series na minsan ng nagpatumba sa katapat nitong show sa katapat na network.
“May pressure, pero unlike before na medyo mabigat, this time iba eh. Mas may confidence at mas buo,” sey ni Ruru na super acknowledged din ang halos nasa 50 stars na kasama niya sa series.
Sa awra ngayon ni Ruru na mas naging matured, may laman ang katawan, mas gwapo at very grateful, naabot na nga ng aktor ang status na isa na rin siyang “hari” sa TV.
