MATABIL
ni John Fontanilla
PAGKATAPOS ng matagumpay na pagpapalabas sa mga sinehan ng MMFF 2024 entry na And The Breadwinner Is… may request ang netizens kay Vice Ganda.
Hiling ng ilang netizens na magsama sa isang pelikula sina Vice at Paolo Ballesteros.
May mga pelikula rin si Paolo na talaga namang kumita sa takilya at nagbigay pa sa kanya ng award.
Kaya naman if ever, request ng mga fan na pagsamahin ang dalawa sa isang pelikula sa isang magandang script at sa direksiyon ni Jun Lana na tiyak papatok sa takilya.
Hindi naman malabong mangyari ito lalo na’t okey naman sina Vice at Paolo at minsan nang nagsama sa isang tv commercial.
