HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SHOWING na ngayong Oct, 16 ang Guilty Pleasure nina Lovi Poe, JM de Guzman, at Jameson Blake na idinirehe ng college classmate and friend naming si Connie Macatuno.
Si Lovi lang talaga sa mga kasalukuyang aktres ang may kakayahang maging mapangahas tumalakay o gumanap on wide screen ng roles na may sensualidad and yet relevant. With all due respect kina Anne Curtis at Cristine Reyes na kapwa mahuhusay din sa ganitong roles, iba kapag si Lovi ang umaatake at nagpapakita ng skin kumbaga.
Bukod kasi sa karisma nito, iba ang awra ng very soothing voice na kapag narinig ng mga kaeksena, naeengganyo sila.
Sey nga ni JM, “nakakadagdag ng emosyon, ng “elan,” ng something na ewan. Kahit sa mga simpleng palitan namin ng lines, ang galing-galing niyang mag-modulate ng boses. Bato ka na talaga kung hindi ka maapektuhan.”
“I can only agree. She has this very natural voice na kapag narinig mo, you will feel like a child na sunod-sunuran na lang,” segue naman ni Jameson sa experience niya on Lovi’s very commanding voice.
Ay, nakakalokang tsikahan sa boses pa lang iyan ha. Paano pa yung kabuuan ng movie.
