HATAW! D'yaryo ng Bayan hatawtabloid.com
PUSH NA’YAN
ni Ambet Nabus
NAKAAALIW naman ang concert King na si Martin Nievera dahil game na game rin itong naki-uso sa viral video ngayong Maybe This Time dance craze.
Sa dinami-rami ng celebrities na gumagawa nito sa ngayon, kakaiba ang galawang Martin Nievera na animo’y lasing at parang batang inagawan ng candy hahahaha!
Wish naming gawin niya ito sa paparating niyang concert na The King 4ever sa Araneta Coliseum sa Sept. 27, 2024.
Bagay na bagay ito sa selebrasyon ng kanyang ika-42 taon sa industry lalo’t nagpapakita ang naturang dance craze and viral video na kering-keri pa rin niyang sabayan ang mga bagong uso.
Believe me, sobra siyang nakaaaliw panoorin at napaka-natural ng concert king sa mga galawang gen Z.
Sumikat noong 80’s ang naturang kanta (though may mga same title noong 1960’s) and up to now nga na 2024, in na in pa rin siya at binigyan ng bagong bihis ‘ika nga.
Maybe This Time sa concert ni King Martin ay malagyan niya ito ng bagong tunog at galaw lalo’t minsan na rin niya itong nagawan ng cover sa isang album niya, ‘di ba?
Push natin iyan King Martin hahaha!
