Dapat Ganito, Kapuso itinampok pagiging makabayan ng mga Pinoy

PUSH NA’YAN
ni Ambet Nabus

PATULOY ang paghikayat ng GMA Network sa mga Filipino na maging proud sa kanilang kultura, mga tradisyon, at mahalin ang kanilang bayan.

Sa latest installment ng  Dapat Ganito, Kapuso na pinamagatang  Makabayan, excited ang chikahan ng barkada tungkol sa kanilang mga planong bakasyon abroad. Pero nang magsabi ang isa sa kanila na balak niyang magbakasyon sa Pilipinas, nanahimik ang kanyang mga kasama hangga’t sa ipinakita niya ang ilan sa mga naggagandahang vacation spots sa Pilipinas.

Sa installment na ito na kahit sa simpleng paraan ay maaaring maipakita ang pagiging makabayan ng mga Filipino.

Ang Dapat Ganito, Kapuso ay ang latest advocacy campaign ng GMA na umiikot sa pitong Filipino core values: Maka-Diyos, Mapagmahal sa Pamilya, Maabilidad, Masayahin, Malikhain, Mapagmalasakit sa Kapwa, at Makabayan. 

Bawat video ay isang maikling kuwento na itinatampok ang isang Filipino core value.

Mapapanood ang mga video  sa  GMA, GTV, Pinoy Hits, Heart of Asia, I Heart Movies, at sa official digital platforms ng Kapuso Network. Available rin ang mga ito sa  GMA Network YouTube Channel.