HINDI nagustuhan ni Fifth Solomon Pagotan ang pagnenega ng ilang netizens ukol sa P5.2-M na kinita ng kanilang pelikulang My Sassy Girl sa first day.
Post nito sa kanyang Facebook account, “Bakit ang bitter sa tagumpay ng iba? Kasi hanggang diyan ka nalang sa buhay. Sa ibaba.”
At kahit may mga taong nagnenega, lalong dumarami ang nanonood, kaya naman nadagdagan pa ang cinema na pinaglalabasan nito na more than 200 cinemas at lumalaki pa ang kita.
Sa birthday blockscreening nga ni direk Fifth na naimbitahan ang inyong lingkod para manood, ay dito namin napatunayan na napakaganda ng pelikula. Matatawa ka, maiiyak at kapupulutan ng aral, lalo na sa mga taong umiibig, nasaktan, nagparaya, nag-move on, at umibig muli.
Kitang-kita namin ang pagtawa, kilig, at pagluha ng mga taong nanood sa ilang mga eksena. Bukod pa ang napakahusay na pagganap nina Toni Gonzaga at Pepe Herrera na swak na swak ang tandem.
