Echo at Kathryn inintriga nagkasama lang sa jogging

PUSH NA’YAN
ni Ambet Nabus

O baka na naman kung anong malisya ang sabihin ng netizen sa kumakalat na photo nina Jericho Rosales at Kathryn Bernardo ha.

May mga larawan kasing lumabas na nagkasama sina Echo at Kathryn sa Marikina Sports Complex na naka-jogging outfit sila.

Obvious na jogging moment ‘yun at mayroon silang mga kasabay o kasama o mga nakasabay ding na night-jogging.

Isa nga sa nag-post ng photo ay ang pamangkin ni Echo na si John Manalo na dati ring kasama ni Kath sa Goin’ Bulilit. Habang ang iba ay galing naman sa mga nakasabay nilang mga fan siguro.

Kuwela lang dahil kapwa nga galing sa hiwalayan ang dalawa though si Echo ay noong 2019 pa pala hiwalay sa asawa.

Bongga namang paraan ‘yun ng pag-move on at pag-move forward ‘di ba? Ang magpapawis at magpagpag ng toxins sa isip at katawan. Or maybe, napayuhan ni John ang kaibigang si Kath na gawin ang ginawa ng kanyang tito Echo.

Hay, ano ba iyan hahaha…Assumera lang po.